مَرَّه شُفِتْ بَعْد المَسَا واحدْ فقيرْ

في الصّيفْ ،

فارِشْ عاسَطِحْ بيتو حصيرْ

وْقاعِد تَيِتْعَشَّى ،

وْأمامُو صَحِنْ زيتْ

مَعْ زعتر ،

وْكِسْراتْ من خبز الشّعيرْ

وْصارْ يِتْمَنَّى على رَبّو يا ريتْ !

يِنْـزِلْلُو وَجْبِه من السّما،

وْما هوْ كْثيرْ

وْبين الألم ْوِالأملْ وِشْوَيِّي رأيتْ

حَفْنِةْ نجوم ،

وْنِزْلَت بْصَحْنُو الزّغيرْ

في الصَّحِنْ نِزْلَتْ تِسْبَح

وْمِنْها بَنيتْ

فِكْرَه جميلِه

بْيُوْعَى عليها الضّميرْ

خبز الغني

لو غَمَّسُو بأشهى طعامْ

بِتْغَمَّس بْنِجْم السّما

خبز الفقير !!